واحد أحول رمى يمين الطلاق على مراته ما جاش فيها
- ماما .. أنا سمعتك بتتخانقي مع بابا وبتقولي له انك مشترياه بفلوسك.
- وعاوز ايه؟
- باقول يعني مش كنتي تدفعي فلوس زيادة شوية وتشتري واحد أحسن منه.
ابو العربى وام العربى كانو نايمين فسمعوا واحد حرامى ام العربى بتقول لابو العربى قوم فى واحد حرامى قال لها قومى انتى الة يكون الحرامى دة واحدة ست
واحدة رايحه تخطب لابنها، سألتها العروسة "ابنك بيدخن" ؟ قالت" ... .والله ما أظنش بس يمكن لما بيكون سكران يدخن
كان مره واحد جزار راح يخطب ابو العروسه قال له المهر خمسون الف جنيه قال له الجزار ليه الكيلو بكام
واحد ماشي في جنازة مراته وهو بيضحك بيسألوه بتضحك ليه قال لهم دي اول مرة في حياتي اعرف مراتي رايحة فين !؟
مرة واحدة أتجوزت سباك حصل خلاف بينهم ضربها بالكوع عملها كسر في الحوض
مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله
واحد حسودي على فراش الموت قال لمراته إذا مت اتجوزى جارنا محمود قلت ليه قال لأنه مره باعلي بضاعة وغشني فيها.
واحد تخين أتجوز واحدة تخينة خلفوا ولد سموه مين يشيلوه
قزم اتخانق مع مراته زعلت منه حطت جذمته فوق التلفزيون وخرجت
واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة
مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود ملحوظه زوجتى الثالثه على اليمين
واحد و هوا بيموت بص لمراتة بصه رومانسيه و قالها لما اترفدت كونتي معايا و لما عييت وقفتي جنبي ولما فلست برضوا كونتي معايا و دلوقتى لسا جنبي مسك ايدها بحنيه و قالها مش عاريف ليه حاسس انك نحس
مرة دكتور بيطرى بيقول لمراته حبيبتى انا بهيم فى حبك قالتله وانا مرفسلكش طلب ابدا
واحد بلدياتى اتجوز على مراته طلعت هى برضه
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!!
الزوج: فيه ايه يا بنت الحلال؟ ليه كدا؟؟؟
الزوجه: ايه الورقه اللي في جيب بدلتك ومكتوب عليها "سوسو"؟؟
الزوج: يا بنت الحلال، ده أسم الحصان اللى بنشجعه في السباق!
الزوجه صدقته وراحت لحالها...
بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !!
الزوج: خير يابنت الحلال في ايه تاني؟؟
الزوجه: حصانك على التليفون ..!!
واحدة بتقول لجوزها شفت الراجل اللى قدامنا داخل خارج يبوس ايد مراتة ماتعمل زية
قالها طب واعمل زية ازاى اذا كنت ماعرفش مراتة
زوجة بتقول لزوجها فاتورة الكهرباء جت 15جنية بس
قالها يارب تفضل تيجى كدة بعد ما يدخلوا الكهرباء
واحد وحش اوى اتجوز واحدة وحشة اوى خلفو عيل رموه فى الزبالة
